Evernorth, një kompani e ndërtuar rreth grumbullimit të XRP-së si asetin e saj kryesor, ka kaluar pengesën e fundit të rëndësishme drejt listimit publik. Aksionarët e Armada Acquisition Corp. II, kompania e tipit "check bosh" me të cilën Evernorth po bashkohet, votuan në favor të transaksionit gjatë një mbledhjeje të mbajtur më 30 shtator.
Sipas njoftimit, marrëveshja pritet të mbyllet më 7 tetor, ndërsa aksionet e klasës A të Evernorth do të fillojnë të tregtohen një ditë më vonë nën simbolin "XRPN". Procesi i bashkimit dhe mbledhja e fondeve shoqëruese kanë tërhequr mbi 1 miliard dollarë, nga të cilat rreth 300 milionë dollarë pritet të vijnë si fitim bruto në para të gatshme.
Kjo shumë përfshin 225 milionë dollarë nga vendosje private, 30 milionë dollarë nga financim me obligacione të konvertueshme dhe afërsisht 48 milionë dollarë nga fondet e trustit, para zbritjes së shpenzimeve. Investitorët kanë kontribuar gjithashtu drejtpërdrejt me XRP, duke e çuar kompaninë drejt një rezerve prej rreth 473 milionë tokenësh në momentin e mbylljes së marrëveshjes.
Thesari më i madh i dedikuar për XRP
Evernorth pretendon se kjo sasi do ta bëjë atë kompaninë më të madhe publike të dedikuar ekskluzivisht ndaj XRP-së. Themeluesi dhe drejtori ekzekutiv i kompanisë, Asheesh Birla, theksoi se listimi publik do t'u ofrojë investitorëve një mënyrë të rregulluar dhe transparente për të pasur ekspozim ndaj XRP-së dhe për të marrë pjesë në rritjen e ekonomisë së bazuar në blockchain.
Pas kompanisë qëndrojnë disa prej emrave më të njohur të industrisë kripto, përfshirë Ripple, Pantera Capital, Kraken, SBI Group, GSR dhe Arrington Capital. Plani fillestar për listim publik u prezantua rreth një rezerve prej 685 milionë dollarësh në XRP, pjesë e një nisme të mbështetur nga Ripple për të mbledhur 1 miliard dollarë me qëllim grumbullimin e këtij tokeni. Kompania kaloi me sukses shqyrtimin e autoriteteve rregullatore amerikane në fund të gushtit, kur deklarata e saj e regjistrimit hyri në fuqi.
Një trend në rritje te thesaret digjitale
Listimi i Evernorth e shton XRP-në në listën gjithnjë e më të gjatë të kompanive publike që ndjekin modelin e thesareve të kriptomonedhave, një strategji ku shoqëritë mbledhin kapital për të grumbulluar një aset të vetëm kripto dhe e lidhin vlerën e aksioneve të tyre me të. Ky model u bë i njohur fillimisht me Bitcoin-in, përmes qasjes së ndjekur nga Michael Saylor dhe kompania e tij Strategy.
Evernorth ka deklaruar se synon të rrisë me kalimin e kohës sasinë e XRP-së për aksion, përmes strategjive të yield-it, pjesëmarrjes në ekosistem dhe aktiviteteve në tregjet e kapitalit. Megjithatë, ky model bart edhe rrezikun tipik të kësaj kategorie: fati financiar i kompanisë do të jetë i lidhur ngushtë me çmimin e XRP-së, i cili mund të ndryshojë ndjeshëm në të dyja drejtimet.