Bursa e Londrës (LSE) po planifikon një platformë të re tregtimi gjatë natës, raporton Financial Times — një lëvizje që synon zgjatjen e orarit klasik të tregtimit drejt modelit pa ndalesë.
Arsyeja kryesore e presionit: konkurrenca nga platformat kripto, ku tregjet punojnë 24 orë në ditë, 7 ditë në javë, 365 ditë në vit.
Kripto e ndryshoi standardin
Për breza të tërë, investitorët pranonin si normale që tregjet mbyllen pasdite dhe fundjavave. Bitcoin e theu këtë traditë: brezi i ri i investitorëve, mësuar me tregje që s'flenë, tani e kërkon të njëjtën fleksibilitet edhe për aksionet.
Edhe bursat amerikane po eksplorojnë zgjatje të ngjashme orari, ndërsa aksionet e tokenizuara on-chain premtojnë pikërisht këtë: qasje në çdo moment.
Simbolika e momentit
Për vite, kritikët thoshin se kripto duhet të bëhet si financat tradicionale për t'u marrë seriozisht. Po ndodh e kundërta: financat tradicionale po detyrohen të bëhen si kripto. Kur institucioni 300-vjeçar i Londrës ndryshon orarin për shkak të një teknologjie 17-vjeçare, diçka thelbësore ka ndryshuar.